Bir sən qədər – Əziz Yaqubzadə

Əziz oxucu… Əgər “Ona”nı oxumusansa ön sözdə özüm haqqında məlumatlar yazmaq, tərcümeyi-halımı, şəxsi uğurlarımı və s. qeyd etməyi sevmədiyimi bilirsən. Bir oxucu kimi gözəl bilirəm ki, hər zaman oxucu müəllifdən çox onun kitabı haqqında maraqlanır, kitabın ilk səhifələrində də uzun, yorucu uğurları, mükafatları görməkdənsə, bir an öncə kitabın içində nələr olduğunu görməyə səbrsizlənir. Doğrusu, bu sahədə hansısa uğurlarımdan və mükafatlarımdan danışmağım da gülməli olardı. Ona görə ki, mən bir yazıçı olmadığımı da, həddimi də çox gözəl bilirəm. Əgər yazıçı olmaq üçün on addım varsa, mən hələ birinci yol ilə ikinci yol arasında yerləşən o körpüdə yeriyirəm və ümid edirəm ki, heç olmasa illər sonra o on addımlıq yolun yarısını qət edə biləcəyəm.