MAYAKA DOĞRU – Вирджиния Вулф

Oxucunun, qəhrəmanların daxili dünyalarını kəşf etməsi üçün özünəməxsus üsuldan istifadə edilmiş, daha çox müasir bədii üsluba üstünlük verilmiş Virciniya Vulfun “Mayaka doğru” romanı XX əsrin ən böyük sənət nümunələrindən biri hesab olunur.
“Mayaka doğru” bir vaxtlar bir ailənin tətil vaxtlarının, valideynlik və uşaqlıq mərhələlərinin, kədər, zülm və iztirabın canlı mü­şahidə əsasındakı təsviridir. Remzilər ailəsi uzun illərdir ki, öz yay tətillərini Şotlandiyadakı bağ evlərində keçirir və bunun həmişə belə davam edəcəyini düşünür. Amma Birinci Dünya müharibəsi ilə çökən qaranlıq həm ailənin, həm də cəmiyyətin bütövlüyünü ölümcül təhlükə altına salacaq. Hadisələrə daxildən, psixoloji aspektdən yanaşaraq xatirələrdən özünəməxsus formada istifadə olunması romana poetik ab-hava gətirir.