Соҳибқирон 1 - китоб – Нуриддин Исмоилов

Буюк Амир Темур ҳақида сўз очилар экан, ҳеч иккиланмай «афсонавий» деган таърифни қўллаш мумкин. Бунга истаганча асос келтириш қийин эмас. Уларнинг бири — Темур образини яратишга бўлган уринишларнинг кўплиги. Иқтидорли адиб Нуриддин Исмоиловнинг «Соҳибқирон» романи ана шундай навбатдаги изланишлар, уринишлар самарасидир. Роман ниҳоятда кўтаринки руҳда ёзилган. Асарда улуғ саркарданинг ҳаёт йўли мавжуд тарихий манбалар асосида тасвирланиши билан бирга, Амир Темур образига бағишланган бадиий тўқималардаги табиийлик, яъни бош қаҳрамонга хос баҳодирлик, қўрқмаслик, абжирлик, топқирлик фазилатлари қатори унинг табиий-инсоний туйғулари — ўйлари, изтироблари тасвирига бағишланган саҳналарнинг жонлилиги алоҳида ажралиб туради.