Талабалар ўқув фаолиятида масъулиятнинг гендер хусусиятлари – Н.Ж. Сагиндикова

Ҳамма учун қадрли бўлган вақт ўтиб борар экан, бу ўтаётган давр ичида ҳар бир соҳада, ҳар бир фанда ўзгаришлар, ривожла­нишлар ўсиб бораверади, бундай ўзгариш ва ривожланишлар сафида инсон руҳиятини ўрганувчи фан психология ҳам бор. XXI асрда психология фанида илғаб бўлмас, анча ўзгаришлар ўсишлар содир бўлди. Жамиятдаги оламдаги ҳар бир ўзгаришлар атроф-муҳитга ўзининг таъсирини ўтказмасдан қўймайди. Шунингдек, ёшлар психологиясига ҳам ўз таъсирини кўрсатади.Мазкур монография талабалар ўқув фаолиятида масъулият­нинг гендер хусусиятлари таҳлилига бағишланган. Китобда ўзбек ҳамда хориж психологларининг шу муаммо бўйича илмий таҳлилларига асосий эътибор қаратилган. Гендер муаммоси тарихи, ўқув фаолияти муаммоси, шунингдек талабалардаги масъулият ва унинг гендер алоқадорлиги ва уларнинг психо­логик манбаларда кузатилиши ҳақида таҳлилий мулоҳазалар билдирилган. Гендер муаммоси Ўзбекистонда ўрганилиши минтақавий психолог олим­лари­нинг ишлари тахлилида кўрсатиб беришга ҳаракат қилинган.Монография асосан, психолог, социолог, педагог мутахас­сисларга, талабалар ўқув фаолиятида масъулият хусусиятлари, гендер тадқиқотлари ва уларнинг ёшлар психологиясида қанчалик аҳамиятга эгалигига қизиқувчи кенг китобхонлар оммасига мўлжалланган.