Toranlıq – Стефани Майер

“Toranlıq” romanlar seriyasının ilk kitabı olan “Toranlıq” on yeddi yaşlı İzabella Svanın, əslində, yüz doqquz yaşı olan, ancaq on yeddi yaşında bir gənc kimi görünən, sirlərlə dolu, son dərəcə yaraşıqlı vampirlə romantik və bir o qədər də təhlükəli münasibətlərindən bəhs edir.
Kitabın üz qabığındakı alma, Tövratın birinci kitabı olan “Yaradılış”dakı qadağan olunmuş meyvənin təsviri olub, Bella ilə vampirin qadağan olunmuş sevgilərini simvolizə edir.
Həyatı təhlükələrlə təqib olunan Bellanın qarşısında iki yol var: ya “qadağan meyvə” Edvardı seçəcək, ya da ondan uzaqlaşmağı gözə alacaq…
“Toranlıq” əfsanəsi ilə dünya şöhrəti qazanan amerikalı yazıçı Stefani Morqan Mayerin 2003-cü ilin bir yay gecəsi gördüyü yuxu əvvəl qeydlərə, üç ay sonra 600 səhifəlik bir kitaba, daha sonra isə “Toranlıq” adı altında kitablar seriyasına çevrilmiş, 38 dilə tərcümə edilərək dünya üzrə, təxmini, yüz milyon tirajla satılmışdır.
2008-ci ildə müəllifin eyniadlı romanı əsasında film çəkilmiş, kinoteatr nümayişlərindən sonra $390 milyondan çox gəlir əldə olunmuşdur.
Stefani Mayer, həmçinin “Sahibkar” (The Host) adlı elmi fantastika janrında digər bir romanın da müəllifidir.