DANIŞAN KÜRK – Kalman Miksat

Azərbaycan oxucusuna o qədər də tanış olmayan Miksat Kalman macar ədəbiyyatının klassiklərindən sayılır. Yaradıcılığı keçmişi özündə əks etdirən həzin, parlaq, bəzən kədərli və istehzalı yumoru ilə fərqlənir. M.Kalmanın əsərləri XIX əsr macar ədəbiyyatı üçün o qədər də səciyyəvi olmayan detektiv janrı ilə diqqət çəkir. O, parlaq ifadəli romantik yazıçı kimi də xatırlanır, məhəbbət mövzusu romanlarında qabarıq şəkildə verilir. Tədqiqatçılar qeyd edir ki, Miksat Kalmanın əsərlərində romantizmlə realizm qonşudur. Klassik macar yazıçısı kədərlə gülüşü, reallıqla fantastikanı, düşüncə ilə təsviri paralel şəkildə verə bilən ədiblərdəndir. Bu mənada M.Kalmanın “Danışan kürk” povesti sadalanan komponentləri özündə əks etdirən əsərdir.