Бойваччанинг қизи – Хайит Тулкин

Эзгу ишларни, яхшиликни кўзлаган инсон борки, китоб оламидан ўзи учун маънавий озуқа олади. Шу боис ҳам ҳар бир янги китоб ёруғ юз билан қарши олинади. «Китобингиз чиқибди, табриклаймиз!» — дейишади ижодкорлар бир-бирларини қутлаб. «Зар қадрини заргар билади». Битта асарни яратиш учун қанча заҳмат чекилади ва у китоб шаклига келгунча қанчадан-қанча ишчи- хизматчилар қўлидан ўтади. Хуллас, яна битта янги китоб қўлингизга тегди. Бу тўплам билан Сиз илгари ҳам дийдорлашгансиз. Бундаги ҳикоя, қисса ва бадиаларда дунёга эзгулик бахш этиш, гулзорларини кўпайтириш кўзда тутилади. Уларда меҳр-муҳаббат, самимият ва жозиба бор.