Рейтинг: 0
“Hakimə açılan atəş” romanı Birinci Qarabağ müharibəsində Füzuli rayonu ərazisində, Kültəpə deyilən yerdə düşmən tankından atılan “mərmi”yə tuş gəlib şəhid olmuş Zərdab Rayon Məhkəməsinin sədri Məhərrəm Məmmədovun həyat yolundan bəhs edir. Əsərdə ədalətli hakim, el-obanın dərd-səriylə, qayğılarıyla yaşayan vətəndaş, mərd, döyüşkən, Vətən sevgisini hər şeydən uca tutan bir şəxsiyyət obrazı ön plana çıxarılır.
Əsərdə Birinci Qarabağ müharibəsinin xronikası bədiiliklə tarixi-ictimai siyasi faktlarla əlaqəli şəkildə təqdim olunur. Hadisələrin miqyası 1988-ci ildə Topxana meşəsinin qırılması və sonrakı altı ildə torpaqlarımızın işğal olunması dövrünü əhatə edir. “Hakimə açılan atəş” romanının müstəsnalığı həm də ondadır ki, əsərdə Azərbaycan xalqının 44 günlük Vətən müharibəsinin qələbə ilə başa çatması öz əksini tapıb.
все жанры
