Гул уфори – Гулом Жура

Ижодкор Ғулом Жўра ўз ички руҳий товланишларини шеърий усулда ифода этишининг илдизи халқ оғзаки ижоди ва мозийнинг минг йиллик мумтоз шеъриятига бориб тақалади. Мазкур «Гул уфори» тўпламидан ўрин олган шеърларда Ватан, халқ ва муҳаббат мавзулари тимсоллар орқали қаламга олинган. Ижодкор асарларида поэтик фикрни янги назмий тимсолларда инъикос эттиради. Шеърлардаги мағзи тўқ ташбеҳлар уларнинг бадиий жозибаси, гўзаллиги ва бўёқдорлигини оширган. Мазкур тўпламдан ўрин олган ҳар бир шеър тилининг соддалиги, ҳаётийлиги, маъно таровати билан кўркам.