Alma – Enis Batur

Hörgü texnikası əsasında bir roman təcrübəsi «Acı bilik – Çılpaq rəsm sənəti əsasında bir roman təcrübəsi»ndən sonra Enis Batur buna oxşar bir tərzdə «Alma»da qarşımıza çıxır. Hörgü texnikası əsasında bir roman təcrübəsi. Sağ və sol əlində mil, sağında və solunda fərqli yumaqlar olan yazıçı ilmə-ilmə irəliləyir.
Qərb sənətinin qadağanlara zidd əsərlərindən biri – Kourbetin «Dünyanın başladığı yer» əsəri 1866-cı ildə Osmanlı kolleksiyaçısı tərəfindən rəssama sifariş verildiyi andan 1995-ci ildə Orsay Muzeyində ictimaiyyətə təqdim olunmasına qədər müxtəlif örtüklərin altında gizli saxlanmışdı.
Ortaya çıxdığı zaman Qərbdə sənət tarixçiləri, tənqidçilər, roman yazanlar onun ətrafında sıxlaşdılar. Qərbin ən şərq nöqtəsində, olub-keçənlərə İstanbuldan baxan bir türk yazıçı tərs yöndən hörgünü söküb yenidən hörməyə qərar verdi. Bu kitab qabartma motiv olaraq Xəlil Şərif Paşanı seçən, onu həm Kourbetin əsərinə və alışılmayan bir yaradılış təfsirinə bağlayan, həm də «Özgəlik» statusunu eşələyən bir perspektivə söykənir.