Söhbət kofedən getmir “Starbucks”da liderlik prinsipləri – Говард Бехар

İş adamları və xırda biznes sahibləri, karyerasına yeni başlayan, yaxud inkişaf mərhələsinə qədəm qoyanlar, böyük xəyallar qurmağın nə demək olduğunu başa düşmək istəyənlər, mövcud şirkət mədəniyyətindən və ya dəyərlərdən əziyyət çəkən bütün rəhbərlər, insanları idarə etmək və davamlı iş qurmaq haqqında yaxşı mənbə axtaran təkcə biznes quruluşları yox, bütün təşkilatlar – “Söhbət kofedən getmir” sizə uğurun sirlərini açır.
Beynəlxalq “Starbucks” kofe şirkətinin keçmiş prezidenti Hovard Behar bu kitabında uğurlu biznesin sirlərini oxucularla bölüşür.
Linn,
Sarina, Maykl, Skott, Kim
və həmişə “hə” deyərək işləri asanlaşdıran
dörd gözəl nəvəmiz
Sidney, Ella, Metyü və Zoiyə.
İş dünyası palçıq kimidir.
Necə gəldi yaradılıb, toxunsan, əllərinə bulaşar,
batarsan, məhv olarsan.
Lakin usta əlindən çıxmış,
biçiminə, təmizliyinə görə mükəmməl bir iş
görülməyə layiqdir hər zaman.
Yunanların şərab və yağ saxladığı amforalar,
taxıl küplər indi muzeylərdə sərgilənsə də,
bilirik, əslində, onlar nə üçün hazırlanmışdı…
Boş səhəngin həmişə suya ehtiyacı var,
insanın isə bir işə…
Mark Pirsinin “Faydalı olmaq” şeirindən